काठमाडौ। प्रधान सेनापति प्रभुराम शर्मा अष्ट्रेलियाको सिड्नीमा हुन लागेको एनुअल चिफ अफ डिफेन्स कन्फरेन्समा भाग लिन अष्ट्रेलिया जान लागेका हुन् ।
शर्माको साउन ९ देखि ११ गतेसम्म हुने भ्रमणलाई मन्त्रि परिषद् बैठकले स्वीकृत गरेको सरकारका प्रवक्ता सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए ।
शर्माले हालै नेपाली सेना शान्ति स्थापनार्थ खटिएका द्वन्द्वग्रस्त मुलुक र अमेरिकाको समेत भ्रमण गरेका थिए । उनी असार २० गते नेपाल फर्किएका थिए ।
