nepal telicom

प्रचण्ड किन परे तनावमा ?

राष्ट्रिय बाणिज्य बैंक
स्वास्थ्य सूचना

काठमाडौ। लामो समयदेखि पत्नी सिता दाहाल दीर्घ बिरामी भएका कारण तनावमा रहेका नेकपा माओवादी केन्द्रका अध्यक्ष पुष्पकमल दाहाल(प्रचण्ड) फेरी अर्को तनावमा परेका छन् ।

उनी यतिखेर पार्टीभित्रका सबै सांसदहरुले मन्त्री पद माग गरेपछि थप तनावमा परेका हुन । प्रचण्डले आफ्ना पार्टीका ४९ सांसदहरुले मन्त्री पद मागेकोले आफू तथ तनावमा रहेको खुलासा गरेका हुन

नेकपा एमालेका अध्यक्ष केपी शर्मा ओलीलाई हटाएर नेपाली कांग्रेसका सभापति शेरबहादुर देउवालाई प्रधानमन्त्री बनाउन महत्वपूर्ण भूमिका निर्वाह गरेका प्रचण्डलाई यतिखेर सांसदहरुले घेरेपछि तनवमा परेको हुन । माओवादी केन्द्रका सांसदहरुले अब फेरी फेरी बन्ने सरकारमा जान्छ या जादैन भन्ने निश्चित नभएका कारण उनीहरुले जसरी पनि मन्त्री बन्ने सपना देखेका छन् । यसको शिकार भएका छन् माओवादी केन्द्रका अध्यक्ष प्रचण्ड ।

प्रचण्डले आफ्ना सांसदहरुको आकांक्षालाई पूरा गर्ने अवस्था अहिले देखिदैन । उनले यही कुरालाई आज शनिवार आयोजित नेपाल कम्युनिस्ट पार्टीका संस्थापक नरबहादुर कर्माचार्यको स्मृति दिवसको अवसरमा पार्टी कार्यालय पेरिस डाँडामा आयोजित कार्यक्रममा खोलेका हुन ।

कार्यक्रममा बोल्दै उनले भने,‘हामीले धेरै पायौँ भने ७ जनासम्मलाई मन्त्री बनाउन पाउने हो । यहाँ मन्त्री पाइएन भने नेतृत्वलाई सराप गर्ने, मन्त्री पाए मात्र काम गर्ने प्रवृत्ति अहिले जबरजस्त रूपमा विकास भएको छ । या ठुलै नियुक्ति पायो भने ठिक छ, पाएन भने नेतृत्व बदमासै हो भन्ने प्रवृत्ति छ । तीन चार दिनदेखि म निकै मानसिक तनाव भित्र छु । मलाई त ४९ जनालाई नै मन्त्री बनाइदिन पाए हुन्थ्यो जस्तो लागेको त छ । हामी कुरा गर्दा कम्युनिस्ट पार्टी यस्तो हुनुपर्छ भनेर आदर्शका कुरा गर्ने तर चित्त भने मन्त्री पद पाइन्छ कि पाइँदैन भन्ने छ।’

adb bank long