काठमाडौ। राष्ट्रपति रामचन्द्र पौडेलको निमन्त्रणामा दुईदिने राजकीय भ्रमणमा रहेका कतारका अमिर(राजा) शेख तमिम बिन हमाद अल थानी र प्रधानमन्त्री प्रचण्डसहितको प्रतिनिधिमण्डलबीच आज भर्खरै भेटवार्ता भएको छ।
कतारी अमिर र प्रधानमन्त्री पुष्पकमल दाहाल ‘प्रचण्ड’ नेतृत्वको द्विदेशीय प्रतिनिधिमण्डलबीच सोल्टी होटलमा भेटवार्ता भएको हो ।
भेटमा नेपाल-कतार सम्बन्धका समग्र पक्षमा विचारविमर्श हुनुका साथै क्षेत्रीय र अन्तर्राष्ट्रिय चासोका विषयमा छलफल भएको परराष्ट्र मन्त्रालयले जनाएको छ। वार्तापछि उनीहरूको उपस्थितिमा द्विपक्षीय सम्झौता र समझदारीपत्रमा हस्ताक्षर हुनेछ।
कतारी अमिरको सम्मानमा प्रधानमन्त्री दाहालले दिवाभोजको आयोजना गरेका छन्। सम्झौता र दिवाभोज पछि उनी स्वदेश फर्किने तयारीमा रहेका छन् ।
कतारी विशिष्ट अतिथि आजै १२ः४०मा काठमाडौंबाट स्वदेश प्रस्थान गर्ने कार्यक्रम छ । पूर्व निर्धारित कार्यक्रम अनुसार दिउँसो २:१० मा फर्किने भनेता पनि उनी डेढघण्टा अगाडी नै फर्किन लागेका हुन् ।