दाङ । नेकपा एमालेका महासचिव शंकर पोखरेलले सरकार ढल्ने भनेर चलाइने हल्ला निराधार भएको बताएका छन् । पोखरेलले एमाले र नेपाली कांग्रेसको गठबन्धन ८४ को चुनावसम्म निरन्तर रहने पनि बताएका छन् ।
बुधबार प्रेस चौतारी दाङ शाखाले आयोजना गरेको पत्रकार सम्मेलनमा महासचिव पोखरेलले भने, ‘दुई दलबीच समझदारी हुँदासम्म सरकार ढल्दैन् । समझदारी नभए कसैले सरकार ढल्छ भन्नै पर्दैन ।’
सत्ता साझेदार दलबीच असमझदारी नहुँदासम्म सरकार नढल्ने भन्दै उनले साना दलले ठुला दलमाथि शासन गर्ने परिपाटिको अन्त्य गर्न एमाले र कांग्रेस मिलेर सरकार सञ्चालन गरेको दोहोराए ।
