काठमाडौ । ओली सरकार अप्ठ्यारोमा परेको चर्चा चलिरहेका बेला राजसंस्था फर्काउने भन्दै राप्रपाले चलाएको आन्दोलन तुहिन पुगेको छ। ओली सरकार ढाल्ने र देउवा सरकार बनाउने दक्षिणको खेल जारी नै छ। यहि मेसोमा दक्षिणले राप्रपालाई यो आन्दोलन गर्नुभन्दा सरकार ढाल्ने खेल्न लागे फाइदा छ भनेपछि राप्रपाको आन्दोलन तुहिन पुगेको चर्चा छ।
समाचार स्रोत भन्छ, ‘भारतले अहिलेलाई सो नारा स्थगन गर्न भनेको छ । बरु जसरी हुन्छ ओली सरकार ढालेर शेरबहादुर देउवाको नेतृत्वमा बन्ने नयाँ समीकरणमा सहभागी हुन सुझाव आएको छ ।’ त्यसो त आफू सरकारमा नजाने तर यदि कांग्रेसको नेतृत्वमा सरकार बन्छ भने त्यसलाई बाहिरै बसेर समर्थन गर्ने भाषा लामो समयदेखि माओवादी अध्यक्ष प्रचण्डले बोल्दै आइरहेका छन् । सरकारको लखेटाइबाट निकै थाकिसकेको रास्वपा, राप्रपा र माओवादीसमेतको सहभागितामा देउवालाई प्रधानमन्त्री बनाउन भारत लागि परेको यसअघि नै चर्चा व्यापक छ । दावीका साथ स्रोत भन्छ, ‘राजेन्द्र लिङदेन सरकारमा जान तयार छन् । अनि देउवा सरकारमा राम्रो पोर्टफोलियोसहित उपप्रधानमन्त्री बन्ने चाहाना छ ।’
उता नेपाली कांग्रेसका सभापति शेरबहादुर देउवाले सत्ता समीकरण फेरबदल हल्लामात्रै भएको बताएका छन् । उनी थाइल्यान्डबाट फिर्ता हुने क्रममा विमानस्थलमा पत्रकारसँग संक्षिप्त कुरा गर्दै उनले यस्तो बताएका हुन् ।
सत्तारुढ दलभित्र खटपट सुरु भएको हो भन्ने प्रश्नमा देउवाले भने, “केही भएको छैन ।”
सत्ता समीकरण फेरबदल सम्बन्धमा पत्रकारले राखेको अर्को प्रश्नमा उनले हल्लामात्रै भएको बताए।
