प्रचण्डको बर्बराहट : महाभियोग लगाउने भनेर काङ्ग्रेस-एमालेले राष्ट्रपतिलाई सरकार गठनको आब्हान गर्न बाध्य पारे

Telecom

काठमाडौ । सत्ता बिहिन भएपछि खबरदारी सभा गर्दै हिँडेका नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले कांग्रेस र एमालेले राष्ट्रपति रामचन्द्र पौडेललाई सरकार गठनको बेलामा महाभियोग लगाउने चेतावनी दिएर संविधानको धारा ७६ (२) अनुसार सरकार गठन आह्वान गर्न बाध्य पारेको बताएका छन् ।

आज शुक्रबार दाङको तुलसीपुरमा आयोजित खबरदारी सभालाई सम्बोधन गर्दै उनले आफूलाई राष्ट्रपति स्वयंले नभनेको भएपनि कांग्रेस एमालेकै नेताहरुले भनेको सुनेको दाबी समेत गरेका छन् । उनले ओली सरकार असंवैधानिक भएको दोहोर्‍याएका छन् ।

उनले भने, ‘मैले विश्वासको मत पाउदिन भन्ने त प्रष्टै थियो। तर, मैले प्रधानमन्त्री हुँदै राष्ट्रपतिलाई संविधानको रक्षा गर्ने तपाईंले नै हो भनेको थिए। उहाँले गर्ने विश्वास दिनुभएको हो। अहिलेको राष्ट्रपति बनेकै मेरै कारणले, माओवादी केन्द्रकै कारणले रामचन्द्र पौडेल राष्ट्रपति बन्नु भएको हो।’

उनले माओवादी नभएको भए पौडेल राष्ट्रपति बन्नसक्ने अवस्था नै नरहेको बताए।

उनले थपे, ‘उहाँले ढुक्क रहनुस् म संविधान मिच्न दिन्न भन्नु भएको थियो मलाई। तर, कांग्रेस र एमालेकै नेताहरुले भनेको मैले सुनेको, राष्ट्रपतिजीले भनेको होइन। कांग्रेस र एमालेले संविधान मिच्न चाहनु भएन। नचाहेपछि एमाले नेतृत्वको सरकार बन्ने भएन। त्यो गठबन्धन बन्ने भएन। मैले सुनेको, कांग्रेस एमालेका नेताहरुले भनेको, उहाँहरुले हामीले भनेअनुसार भएन भने ७६ (२) अनुसार नै जानुभयो भने तपाईंलाई महाभियोगको लगाएर निकाल्छौं भनेपछि धर्मसंकटमा पर्नुभयो। कतिसम्म ठूलो चलखेल भएको छ संविधान मिच्नको लागि।’

नेपाली राजनीतिका चतुर खेलाडी प्रचण्डले आफुप्रति सहानुभुति बटुल्न यसरी सार्वजनिकरूपमा बिबादित अभिब्यक्ती दिँदै हिडेको काङ्ग्रेस एमालेका नेताहरू बताउदै आएका छन् ।

adb bank long