पार्टीले निलम्बन गरेको २४ घण्टा नबित्दै अधिकारी पक्राउ

Telecom

काठमाडौ । नेकपा एमालेले साधारण सदस्य समेत नरहनेगरी निलम्बन गरेको २४ घण्टा नबित्दै कोशी प्रदेशसभा सदस्य एवम् निवर्तमान आन्तरिक मामिलामन्त्री लीलाबल्लभ अधिकारीलाई प्रहरीले विराटनगरस्थित आफ्नै निवासबाट गरेको छ ।

उनलाई शनिवार बसेको एमालेको केन्द्रीय सचिवालयले प्रदेश कमिटीले गरेको निलम्बन अनुमोदन गरेको थियो ।
अधिकारीलाई आइतबार मध्याह्न प्रहरीले नियन्त्रणमा लिएर अनुसन्धानका लागि काठमाडौँ पठाएको हो ।

प्रहरी नियन्त्रणमा आएसँगै निवासबाट बाहिरिने क्रममा उनले आफूले अनुसन्धानलाई सहयोग गर्ने प्रतिक्रिया दिए ।  उनले भने, ‘म अनुसन्धानलाई सहयोग पु¥याउन हिँडे । अनुसन्धानलाई सहयोग पुर्याउनुपर्छ । म कानुन मान्ने मान्छे हो । कानुनलाई सहयोग गर्नु मेरो दायित्व हो ।’ उनले अनुसन्धानबाट सत्यतत्य सबै बाहिर आउने समेत विश्वास व्यक्त गरे ।

अधिकारीलाई जापानमा मानव तस्करी गरेको आरोप लागेको छ । उनी आन्तरिक मामिला तथा कानुनमन्त्रीकै हैसियतमा गत कात्तिक १३ गते जापान गएका थिए । त्यतिबेला असम्बन्धित मान्छेलाई समेत उनले लगेको पाइएको थियो भने सबैलाई जापानको अध्यागमनले डिपोर्ट गरिदिएको थियो ।यो प्रकरणपछि उनले मन्त्री पदबाट राजीनामा दिएका थिए भने पार्टीले जिम्मेवारीबाट पनि हटाएको छ । मानव तस्करी प्रकरणमा हालसम्म उनीसहित ७ जना पक्राउ परेका छन् ।

adb bank long