काठमाडौ । नेकपा एमाले केन्द्रीय सम्पर्क समन्वय कमिटीले देशै भरिका ७४ सम्पर्क मंचहरूको मुल्याङ्कनको नतिजा सार्वजनिक गरेको छ ।
कमिटीले सार्वजनिक गरेको सात प्रदेशका ७४ वटा जिल्ला सम्पर्क मञ्चको २०७८ साल देखि २०८० सालसम्मको मंचहरुको मुल्याङ्कनमा गुल्मी – काठमाडौ सम्पर्क मंच दोस्रो हुन सफल भएको छ । पहिलो स्थान भने रामेछाप – काठमाडौ सम्पर्क मंचले हासिल गरेको छ ।
यसैगरी लुम्बिनी प्रदेशका १२ जिल्लामा भने पाल्पाले पहिलो स्थान हात पारेको छ ।
एमाले केन्द्रीय कार्यालय ललितपुर च्यासलमा भएको कार्यक्रममा प्रमुख अतिथि एबं एमाले उपाध्यक्ष युवराज ज्ञवालीले मुल्याङ्कनको नतिजा सार्वजनिक गर्नुका साथै पुरस्कार वितरण गरेका थिए ।
