बाँके । बाँके जिल्लामा दुईवटा मोटरसाइकल एकआपसमा ठोकिँदा दुई जनाको मृत्यु भएको छ ।
बुधवार साँझ ५ बजेतिर जिल्लाको राप्तीसोनारी गाउँपालिका को वडा नम्बर ४ स्थित हुलाकी सडक खण्ड अन्तर्गत लालपुर चोकमा दुई वटा मोटरसाइकल एकआपसमा ठोक्किँदा दुई जनाको मृत्यु भएको हो । भने दुर्घटनामा अन्य तीन जना घाइते भएका छन् ।
इलाका प्रहरी कार्यालय धामपुरका अनुसार विपरीत दिशाबाट आउँदै गरेका भे १२ प ३९९५ र भे १२ प ४८२८ नम्बरको मोटरसाइकल एकआपसमा ठोक्किँदा गम्भीर घाइते भएका दुबै मोटरसाइकल चालकलाई उपचारका क्रममा नेपालगन्ज मेडिकल कलेज लगिएको र उपचारका क्रममा मृत्यु भएको हो ।
प्रहरीका अनुसार मृत्यु हुनेमा राप्तीसोनारी-४ घर भएका भे १२ प ३१९५ का ३५ वर्षीय चालक रामशरण थारू र सोही गाउँपालिकाको वडा नम्बर ३ खैरेनीका भे १२ प ४८२८ नम्बरका चालक १८ वर्षीय बसन्त थारू रहेका छन् ।
त्यसैगरी भे १२ प ३९९५ नम्बरको मोटरसाइकलको पछाडी सवार बर्दिया राजापुर- ४ घर भएर हाल राप्तीसिनारी- ४ धामपुर बस्ने ३१ वर्षीय अजय दहित घाइते भएका छन् । उनको नेपालगन्ज मेडिकल कलेज नेपालगन्जमा उपचार भइरहेको छ ।उनको अवस्था गम्भीर रहेको छ ।
त्यसैगरी भे १२ प ४८२८ नम्बरको मोटरसाइकलमा सवार राप्तीसोनारी- ३ खैरेनीका १६ वर्षीय संगीत थारु र वडा नम्बर ३ खैरेनीकै २१ वर्षीय संजय थारु घाइते भएका छन् । उनीहरुको पनि नेपालगन्ज मेडिकल कलेजमा उपचार भइरहेको प्रहरीले जानकारी दिएको छ ।
