वुटबल । नवलपरासीको रामग्राममा ट्रकले मोटरसाइकललाई ठक्कर दिँदा मोटरसाइकलमा सवार युवकको मृत्यु भएको छ।
नवलपरासीको रामग्राम नगरपालिका – ४ घोडपालीस्थित हुलाकी सडक खण्डमा गएराति ट्रकले ठक्कर दिएको थियो ।
पश्चिमबाट पूर्वतर्फ जाँदै गरेको ना ८ ख ७५४९ नम्बरको ट्रकले बिपरित दिशातर्फ जाँदै गरेको लु.प्र.०१-००२ प २०५४ नम्बरको मोटरसाइकललाई ठक्कर दिँदा रामग्राम नगरपालिका ९ जोकवारे निवासी ३७ वर्षीय प्रेम ढाँडीको मृत्यु भएको हो।
ठक्करपछि घाइते ढाँडीको जिल्ला अस्पताल परासीमा उपचारको क्रममा उनको मृत्यु भएको जिल्ला प्रहरी कार्यालय नवलपरासीले जनाएको छ । दुर्घटनापछि प्रहरीले ट्रक चालकलाई पक्राउ गरेको छ।
