काठमाडौ । आइतवार बसेको मन्त्रीपरिषद्को सिफारिस अनुसार संसद्को चालु (बर्षे) अधिवेशन अन्त्य भएको छ । सोमबार एक विज्ञप्ति जारी गर्दै राष्ट्रपति रामचन्द्र पौडेलले चालु अधिवेशन अन्त्यको घोषणा गरेका हुन् ।
विज्ञप्तिमा नेपालको संविधानको धारा ९३ को उपधारा २ बमोजिम मन्त्रिपरिषद्को सिफारिसमा संसद्को चालु अधिवेशन अन्त्य गरिएको जनाइएको छ ।
विज्ञप्ति अनुसार संसदका दुवै सदन प्रतिनिधि सभा र राष्ट्रिय सभाको चालु अधिवेशन आज सोमबार राति १२ बजेबाट लागु हुने गरी अन्त्य गरेको राष्ट्रपति कार्यालयले जनाएको छ । सङ्घीय संसद्को चालू अधिवेशन गत वैशाख २८ गते सुरु भएको थियो ।
