चितवन । गत असार २८ गते दुईवटा बस खसेको चितवनको मुग्लिन–नारायणगढ सडक खण्डको सिमलतालबाट आज आइतवार बिहान फेरी ट्रक त्रिशूली नदीमा खसेको छ।
वाराको सिमराबाट खानेतेल लिएर काठमाडौ जाँदै गरेको ना ६ ख ६२८३ नम्बरकोे ट्रक त्रिशुलीमा खसेको हो। आरएमसी कम्पनीको खानेतेल बोकेको ट्रक दुर्घटनामा परेको जिल्ला प्रहरी कार्यालय चितवनले जनाएको छ।
प्रहरीका अनुसार चलानी रहेको मोबाइल नम्बरमा फोन भने लागेको छैन। ट्रकका चालक र सहचालक पनि भेटिएका छैनन् ।
ट्रकमा चालकबाहेक अन्य को को थिए ? र उनीहरुको अवस्था कस्तो छ ? भन्ने बिषयमा अनुसन्धान भइरहेको प्रहरीले जनाएको छ ।
