मेष (चु, चे, चो, ला, लि, लु, ले, लो, अ)
दाम, इनाम र प्रतिष्ठा आर्जन हुनेछ। शत्रुहरूले आत्मबल घटाउने प्रयास गर्नेछन्। र, मध्य दिनपछि मनमा उत्साह र उमङ्गको कमी देखिनेछ।
बृष (इ, उ, ए, ओ, बा, बि, बु, बे, बो)
कला र गलाको प्रभाव बढ्नेछ। व्यापार व्यवसायबाट आम्दानी हुनेछ। नयाँ वस्त्र, अलङ्कारको प्राप्ति हुनेछ। शुभ समाचार सुन्न पाइएला। साँझमा नजिकका व्यक्तिसँग झगडा पर्न सक्नेछ।
मिथुन (का, कि, कु, घ, ङ, छ, के, को, ह)
परिवारमा झै-झमेलाको अवस्था आउला। बेसुरमा वचन दिने बानीले अप्ठ्यारो पार्न सक्छ। झन्झटिलो काममा संलग्न हुनुपर्नेछ। मन भावुक र उत्ताउलो बन्न सक्छ। ठूला व्यक्तिले तपाईँको मेहनतको प्रशंसा गर्नेछन्।
कर्कट (हि, हु, हे, हो, डा, डि, डु, डे, डो)
शुभ समाचार सुन्न पाइएला। बुद्धिको उपयोग गर्दा जटिल ठानिएको कामसमेत सम्पादन हुनेछ। नजिकको व्यक्तिको सहयोगबाट कार्य पूरा हुनेछ। प्रेमीको सहयोग पाइनेछ। कृषि क्षेत्रको काममा सफलता मिल्नेछ।
सिंह (मा, मि, मु, मे, मो, टा, टि, टु, टे)
एउटै कामबाट दोहोरो लाभ मिल्नेछ। अरूको विश्वास जित्न सकिनेछ। प्रेम सम्बन्धमा सफलोन्मुख हुनेछ। मनमा शान्ति छाउला। दैनिक काम सन्तोषजनक ढंगले सम्पन्न हुनेछन्।
कन्या (टो, प, पि, पु, ष, ण, ठ, पे, पो)
मित्रहरूले सहयोग गर्नेछन् र तपाईँलाई खुसी राख्नेछन्। सुन्दर पहिरनले व्यक्तित्वमा निखार ल्याउनेछ। विशिष्ट व्यक्तिको भेटघाटले मन प्रसन्न हुनेछ। शुभारम्भको चर्चा चल्नेछ। प्रेम र मित्रताको बन्धन कसिनेछ।
तुला (र, रि, रु, रे, रो, ता, ति, तु, ते)
लाभहानि बराबरी हुने खालको दिन छ। आफ्नो अधिकार प्राप्तिका लागि संघर्ष गर्नु पर्नेछ। व्यर्थको सास्ती पनि खेप्नु पर्ला। परिवारका लागि धेरै समय दिन पाइने छैन। बजार घुम्ने अवसर भने मिल्नेछ।
वृश्चिक (तो, ना, नि, नु, ने, नो, या, यि, यु)
समाजसेवामा मन जानेछ। लामो समयदेखि प्रतीक्षा गरिएको काम पूरा हुनेछ। जीवनसाथीसँग राम्रो आहार विहारका साथै रमाइलो समय बिताउनु हुनेछ। रमाइलो भ्रमण हुनेछ।
धनु (ये, यो, भ, भि, भु, ध, फा, ढ, भे)
नयाँ वस्त्र प्राप्ति हुनेछ। सेवामूलक कामबाट सुख र सफलता मिल्नेछ। काम देखाएर अरूको मन लोभ्याउन सकिनेछ। आकस्मिक धन लाभ हुनेछ। तर, अरूको भलाइका लागि दौडधुप गर्नु पर्नेछ।
मकर (भो, ज, जि, खि, खु, खे, खो, गा, गि)
इच्छा, आकाङ्क्षा पूर्ण हुनेछन्। धर्मप्रति आस्था बढ्नेछ। आत्मविश्वास र पराक्रममा वृद्धि हुनेछ। परिवारसँग रमाइलो भेटघाट हुनेछ। धनमाल पनि हात लाग्न सक्छ। साँझमा भने तनाव बढेको महसुस हुनेछ।
कुम्भ (गु, गे, गो, सा, सि, सु, से, सो, द)
भनेको कुराको विपरीत अर्थ लाग्न सक्छ। बन्न लागेको काम बिग्रन सक्छ। घरपरिवारमा झगडा पर्न सक्छ। कामकाजमा असर गर्नेछ। खर्च पनि बढ्नेछ। ठूलाबडाको आशीर्वादले भने काम बन्न सक्छ।
मीन (दि, दु, थ, झ, ञ, दे, दो, च, चि)
व्यापार, व्यवसायबाट पर्याप्त लाभ मिल्नेछ। नयाँ ठाउँको रमाइलो यात्रा हुनेछ। प्रेमका कोपिला फक्रिएर जानेछन्। मन लोभ्याउने पहिरनले अरूको नजर आफूमाथि पार्नेछ। वैदेशिक कार्य कमजोर रहनेछ।
