काठमाडौ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सत्ताबाट बाहिरिएको महिना दिन नबित्दै उनको पार्टी निकटको पत्रकार संगठन प्रेस सेन्टर दाङका अध्यक्ष पाण्डव शर्मा एमालेमा प्रवेश गरेका छन्।
शर्मालाई महासचिव शंकर पोखरेलले आज पार्टी कार्यालयमा स्वागत गरेका हुन् । एमालेमा प्रवेश गरेका शर्माले एमाले नै कम्युनिष्टको मूल नेतृत्व भएकाले माओवादी त्यागेर आएको बताएका छन् ।
उता माओवादीको पार्टी केन्द्रीय समिति बैठकमा प्रचण्डले नेतृत्व छाड्नुपर्ने कुरा उठिरहेका बेला यता अध्यक्ष शर्माले पनि पार्टी छानेपछि प्रचण्डलाई थप तनाब थपिएको छ ।
नव प्रवेशी शर्मालाई प्रेस चौतारीका केन्द्रीय उपाध्यक्ष सविन प्रियासनले प्रेस चौतारीमा उचित जिम्मेवारी दिइने बताएका छन्।
