काठमाडौ । नेकपा माओवादी केन्द्रका उपमहासचिव वर्षमान पुन ‘अनन्त’ ले केहि दिनअघि आफूहरुले चाहेको खण्डमा सरकार ढाल्न सक्ने अभिव्यक्ति दिएको केही दिनमै सत्तारुढ दल नेपाली कांग्रेका केन्द्रीय सदस्य नैनसिंह महरले नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ सँग भेटवार्ता गरेका छन् ।
नेता महरले आज सोमवार प्रचण्ड निवास खुमलटार पुगेर प्रचण्डसंग भेटवार्ता गरेका हुन् । उनले अध्यक्ष प्रचण्डसँग पछिल्ला समसामयिक विषयमा कुराकानी भएको जनाएका छन्। तर अनन्तको अभिब्यक्ति, भारतिय विदेश सचिवको भ्रमण र यो भेटघाटलाई राजनीतिक बृतमा अर्थपूर्ण रूपले हेरिएको छ ।
हुनत यसअघि नेता महरले सरकारको नेतृत्व गरिरहेको नेकपा एमालेका महासचिव शंकर पोखरेलसँग पनि भेटवार्ता गरेका थिए । एमाले केन्द्रीय कार्यालय च्यासल पुगेर महासचिव पोखरेलसँग समसामयिक राजनीतिका विषयमा कुराकानी गरेको बताएका थिए ।
