काठमाडौ । अमेरिकामा हुन गईरहेको आईसीसी टी–२० विश्वकप क्रिकेट प्रतियोगिता आज आइतबार बिहान शुरू भएको छ ।
आज बिहान ६ बजे बाट सुरू भएको खेलमा सहआयोजक अमेरिका र छिमेकी क्यानडा प्रतिस्पर्धामा उत्रेका छन् ।
समूह ‘ए’ को यो खेल डल्लासको ग्रान्ड प्रेरी रङ्गशालामा भईरहेको छ । अमेरिका र वेष्ट इण्डिजको संयुक्त आयोजनामा हुन गइरहेको प्रतियोगिता नेपाली समयअनुसार जुलाई २ मा सकिँदैछ ।प्रतियोगितामा २० टोली सहभागी हुँदैछन् ।
आज साँझ सवा ८ बजे सहआयोजक वेष्ट इण्डिज र पपुवा न्यूगिनीबीच प्रतिस्पर्धा हुनेछ । समूह ‘डी’ मा रहेको नेपालले भने पहिलो खेलमा जुन ५ मा नेदरल्याण्ड्ससँग प्रतिस्पर्धा गर्नेछ ।
नेपालको समूहमा दक्षिण अफ्रिका, श्रीलंका, बंगलादेश जस्ता टेष्ट राष्ट्र पनि छन् ।
