बुटवल । पाल्पा, रिडी हुँदै गुल्मी जिल्लाको सदरमुकाम तम्घास जानेहरू आजदेखि एक महिनाको लागि होसियार भएर हिड्नु पर्ने भएको छ ।
मदन भण्डारी राजमार्ग अन्तर्गत पर्ने रिडी तम्घास सडक खण्डको रिडी देखि राजा सम्मको २५ किलोमिटर सडक द्रुत गतिमा निर्माणको लागि बन्द गर्नु पर्ने भन्दै मदन भन्डारी राजमार्ग योजना कार्यालय गुल्मीले मागेको सहमतीमा जिल्ला प्रशासन कार्यालयले स्विकृती दिएको छ ।
जस अनुसार आज जेठ १८ गते शुक्रवार देखि असार १६ गतेसम्म रिडी देखि राजा सम्मको २५ किलोमिटर सडक बिहान १० बजेदेखि दिउँसो ४ बजेसम्मका लागि बन्द हुने भएको छ ।
जिल्ला प्रशासन कार्यालयले सो समयमा यो सडकमा यात्रा गर्दा बैकल्पिक सडकको प्रयोग गर्नका लागि पनि अनुरोध गरेको छ ।
