सर्लाही । अबैध रूपमा गाडीमा राखेर भारततर्फ लैजादै गरेका ७ वटा गाईसहित २ जनालाई सर्लाही प्रहरीले नियन्त्रणमा लिएको छ ।
जेठ १३ गते आईतवार सर्लाहीको लालबन्दी नगरपालिका वडा नम्बर ११ मा मधेश प्रदेश ०३-००१ च ७४५४ को गाडीमा राखेर भारत तर्फ लैजादै गरेको अबस्थामा प्रहरीले गाडी सहित चालक र सहचालकलाई नियन्त्रणमा लिएको हो ।
नियन्त्रणमा रहेका गाडी चालक हेमन्त ढुङ्गेल र सह-चालक ईशराफुल मिया सहित अन्दाजी ५ लाख ५६ हजार मूल्य बराबरको गाई र गाडीलाई आज सोमवार आवश्यक कारवाहीको लागि भन्सार कार्यालय मलंगवा सर्लाहीमा बुझाएको प्रहरीले बताएको छ ।
