nepal telicom

मन्त्री किरातीकै सल्लाहकारले दिए हिन्दुलाई तालिवानीको संज्ञा

काठमाडौं । संस्कृति तथा पर्यटन मन्त्री सुदन किरातीको अभिव्यक्ति अहिले चौतर्फी विरोध भइरहेको छ।

‘क्रिस्चियन नमान्ने संविधानविरोधी हुन्, उनीहरूलाई जेल हाल्नुपर्छ’ भन्ने मन्त्री किरातीको अभिव्यक्तिलाई लिएर अहिले चौतर्फी विरोध भइरहेको हो।

तर किरातीका सल्लाहकार रहेका टीकाराम राईले भने किरातीको बिरोध गर्नेहरुलाई तालिवानको संज्ञा दिएका छन्। राई मन्त्री किरातीको औपचारिक सल्लाहकार नियुक्त नभएपनी सबै खटनपटन उनैले गर्ने गरेको मन्त्रालयका अधिकारीहरु बताउछन् । मन्त्री किरातीले राईलाई विभिन्न समितिमा राखेका छन् । राईले आफ्नो फेसबुकमा स्टाटस लेख्दै भनेका छन् – सुधनले संबिधानानुसार काम गरिनुपछ॔ भनेको छ ।संबिधान बिरोधी मान्छेलाई झ्याल खानामा हाल्नुपछ॔ भन्दा के नराम्रो भयो ? उनले यसो भन्दा हिन्दुका तालीबानहरू चिडीनु पने॔ कारण के रहेछ?

यसैबीच मन्त्री किरातीले बहसको लागि सबैलाई धन्यवाद भन्दै स्पष्टीकरण दिएका छन्। सामाजिक सञ्जालमा उनले  संविधानलाई पालना गर्दै भ्रातृत्व र सहिष्‍णुता कायम गर्न र अतिवादलाई परास्त गर्दै राष्ट्रिय एकता कायम गरौं भन्ने आफ्नो जोड रहेको बताएका छन्।

‘भन्‍नलाई त मलाई, पशुपतिनाथ सफा गर्दा हिन्दु भने,बौद्ध दर्शनको वकालत गर्दा बुद्धिष्‍ट भने, मुस्लिमको कार्यक्रममा जाँदा मुस्लिम भने, क्रिष्‍टियनको कार्यक्रममा जाँदा क्रिष्‍टियन भने’, उनले लेखेका छन्, ‘ फेरि पनि भन्छु अहिले म सबैको अभिभावक हुँ।  त्यसैले सबै अस्तित्वको सम्मान गर्छु र सबैले गरौँ। अन्तमा अर्काको अस्तित्वलाई स्वीकार गर्नु भनेको आफ्नो अस्तित्व सम्मानित हुनु हो।‘

adb bank long