बुटवल । महेन्द्र (पूर्व – पश्चिम) राजमार्ग अन्तर्गत अर्घाखाँचीको शितगंगा नगरपालिकामा ट्रक दुर्घटना हुँदा एक जनाको मृत्यु भएको छ।भने दुर्घटनामा एक जना घाइते भएका छन्।
शनिबार साँझ राजमार्गको शितगंगा नगरपालिका- ८ सातमारामा राप्ति पुल नजिकै ना ६ ख २७३९ नम्बरको ट्रक दुर्घटना हुँदा एक जनाको ज्यान गएको प्रहरीले जनाएको छ।
मृत्यु हुनेमा सोही ट्रकका मालिक रुपन्देही जिल्ला देवदह नगरपालिका- ४ बस्ने मनोज कुमार शाक्य रहेका छन्। उनको भालुवाङ्ग अस्पतालमा उपचारको क्रममा मृत्यु भएको हो।
चालक नवलपरासी (पश्चिम) रामग्राम नगरपालिका- १८ का ३१ वर्षिय संजयकुमार चौधरी घाइते छन्। उनको उपचार भइरहेको छ।
