टिकटक प्रतिबन्धबिरुद्धको रिटमा आज सुनुवाइ नहुने

काठमाडौ। सरकारले टिकटक प्रतिबन्ध लगाउने निर्णयविरुद्ध परेको रिटमाथि आज सुनुवाइ नहुने भएको छ । टिकटक प्रतिबन्धविरुद्ध परेको १० वटा रिट आज सर्वोच्च अदालतका न्यायाधीश कुमार चुडालको इजलासमा परेको थियो ।

तर उक्त रिट न्यायाधीश चुडालले हेर्न नभ्याउनेमा परेको छ । सोमबार नै न्यायाधीश चुडाल र नहकुल सुवेदीको संयुक्त इजलास पनि रहेकाले उनको एकल इजलासमा रहेका मुद्दाहरू हेर्न नभ्याइनेमा परेको हो । २७ चैतमा मन्त्रिपरिषद् बैठकले टिकटक प्रतिबन्ध लगाउने निर्णय गरेको थियो ।