रौतहट । सशस्त्र प्रहरी बल नेपालले रौतहटबाट आज चार थान अत्याधुनिक हतियार बरामद गरेको छ । शसस्त्रकाे ईन्टेलिजेन्स ब्यूरोले रौतहटस्थित यमुनामाइ नगरपालिका –३ स्थित एक घरबाट आइतबार दिउँसो ९ एमएम पेस्तोल ३ नाल, त्यसमा लाग्ने गोलि १३ गोटा, म्याग्जिन ६ वटा तथा एयर गन १ नाल समेत बरामद भएको सशस्त्र प्रहरी बलका सह प्रवक्ता डीएसपी शैलेन्द्र थापाले जानकारी दिए ।
हतियारसहित मोबाइलको सिमकार्ड, मोबाइल, शेख एजाज अहमदको नाममा जारी गरिएको नागरिकतासमेत बरामद भएको डीएसपी थापाले बताए । क्षेत्रमा थप अप्रेशन जारी छ भने केही व्यक्ति घरभित्र ढोका थुनेर बसेको अवस्थामा रहेका छन् ।
