काठमाडौ। बलात्कार मुद्दाका एक अभियुक्त हतकडीसहित धनुषा प्रहरीको भ्यानबाट हाम फालेर फरार भएका छन् ।
जबरजस्ती करणी मुद्दामा पक्राउ परेका धनुषाको सबैला नगरपालिका वडा नम्बर १३ किरतपुरका २८ वर्षीय राजाबाबु मुखिया हतकडीसहित भागेपछि अहिले प्रहरीलाई तनाब भएको छ ।
धनुषा जिल्ला अदालतबाट म्याद थप गरी इलाका प्रहरी कार्यालय फर्किंदै गर्दा आइतबार बेलुकी करिब ७ बजे यदुकुहास्थित कमला नहर नजिकबाट मुखिया भागेको प्रहरीले जनाएको छ।
उनी प्रहरीको भ्यानबाट हामफालेर भागेको बताइएको छ। उनको खोजी कार्य तीव्र बनाइएको प्रहरीले बताएको छ।
