संघीय संसदको बैठक आज बस्दै, यस्ता छन् कार्यसूची

शाईन रेसुङ्गा बैंक लिमिटेड
राष्ट्रिय बाणिज्य बैंक

काठमाडौ। संघीय संसदको दुबै सदनको बैठक दिउसो २ बजे बस्दैछ । राष्ट्रियसभा र प्रतिनिधिसभाको बैठक एकैसाथ बस्न लागेको हो ।

संघीय संसद सचिवालयले आज बस्ने प्रतिनिधिसभा बैठकको सम्भावित कार्यसूची बुधबार सार्वजनिक गरेको छ । जसअनुसार अर्थमन्त्री जनार्दन शर्माले आर्थिक र राष्ट्र ऋण उठाउने विधेयकमाथि छलफल, संशोधनको प्रस्ताव तथा पारित गर्नका लागि प्रस्तुत गर्ने उल्लेख छ ।

राष्ट्रियसभामा विनियोजन विधेयक, २०७८ परित गर्ने तयारी रहेको छ । गत मंगलवारको बैठकमा प्रमुख प्रतिपक्षी दल नेकपा एमालेका सांसदहरुको विरोधबीच राष्ट्रिय सभाका सचिव राजेन्द्र फुयालले प्रतिनिधिसभाबाट सन्देशसहित प्राप्त भएको ‘विनियोजन विधेयक, २०७८’ राष्ट्रिय सभा समक्ष टेबुल गरेका थिए ।

एमालेले नवौं अधिवेसन सुरु भएदेखि दुबै सदनमा अवरोध जारी राखेको छ । सरकारले लोकतन्त्र र पार्टीहरुलाई कमजोर बनाउनका लागि राजनीतिक दलसम्बन्धी अध्यादेश ल्याएको र एमालेले कारबाही गरेका सांसदहरुको सूचना सभामुखले टाँस नगरी पार्टी विभाजनलाई सघाउन भूमिका खेलेको भन्दै विरोध गर्दै आइरहेको छ ।

डिस होम
Rastra bank
शाईन रेसुङ्गा बैंक लिमिटेड