nepal telicom

गृह जिल्लाबाट ओलीको यस्तो दनक, माधवले वडा सदस्य जित्दैनन्, प्रचण्ड छट्टु

राष्ट्रिय बाणिज्य बैंक
स्वास्थ्य सूचना
झापा । प्रधानमन्त्रीबाट हटेपछि पहिलोपल्ट गृह जिल्ला झापा पुगेका प्रमुख प्रतिपक्षी नेकपा एमालेका अध्यक्ष केपी शर्मा ओली नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालप्रति खनिएका छन् ।

झापाको बिर्तामोडमा आज (मंगलबार) भएको जिल्लास्तरीय अगुवा कार्यकर्ता भेलालाई सम्वोधन गर्दै अध्यक्ष ओलीले एकीकृत समाजवादीका अध्यक्ष माधवकुमार नेपालले वडा सदस्यको चुनाव पनि जित्न नसक्न बताए । उनले जनादेश विपरीत पार्टी फुटाउँदै हिंड्ने नेता नेपाललाई भोट दिन नहुने पनि बताए ।

‘माधव नेपालले वडाअध्यक्षको कुरा छाडौं, वडा सदस्यको चुनाव पनि जित्न सक्दैनन्’, उनले भने, ‘माधव नेपाललाई जनताले किन भोट हाल्ने ? केका लागि हाल्ने, एमाले फुटाएकाले ? एमाले चोइट्याएकाले ? के कारण जनताले नेपालाई भोट दिने ?’

अध्यक्ष ओलीले माधव जस्तै हैसियत प्रचण्डको पनि रहेको टिप्पणी गरेका छन् । ‘प्रचण्डले वडामा पनि जित्न हम्मे पर्ने भनेछन्, मलाई खुशी लागेको छ’, उनले भने, ‘प्रचण्डजीले चुनाव पहिले नै कुरा बुझ्नु भएछ । यो सुनेर खुशी लागेको छ ।’ ओलीले माधव नेपाल प्रतिक्रियावादी भएको आरोप लगाए । नेपालले एमाले कमजोर बनाउन लागेको ओलीको आरोप थियो ।

‘माधव नेपाल पार्टी बनाउन चाहँदैनन् । नभए त यत्रो ठूलो पार्टीबाट चोइटिएर जाँदैन थिए,’ उनले भने, ‘पिलो निचोरेर तौल घट्दैन । माधव नेपाल चोइटिएर एमाले सानो हुँदैन ।’ प्रचण्डले एमालेबाट एक चोइटो मात्रै लगेर जान सकेको ओलीले बताए । ‘प्रचण्डले एउटा चोइटो लगेर गएका माओवादी केन्द्रको नाममा माधव गुट मात्रै हो’, उनले भने, ‘माओवादी केन्द्र होइन । प्रचण्डको मोहजालमा नपर्नुस् । फर्किनुस् ।’ ओलीले माओवादी केन्द्रका अध्यक्ष ‘प्रचण्ड’ माथि आक्रोश पोखेका छन् ।

पूर्व प्रधानमन्त्री समेत रहेका ओलीले आफ्नो पार्टी फुटाउन भूमिका खेलेको भन्दै प्रचण्डलाई धोकेबाज र छट्टु नेताको आरोप लगाए ।
’प्रचण्ड असल बाउ, काका, असल ससुरो हुन् । राम्रो सम्धी हुन्, राम्रो ससुरा हुन्, राम्रो ज्वाइँ हुन् तर धोकेबाज नेता हुन्’, उनले भने, ‘प्रचण्ड सबै हिसाबले राम्रो तर एउटै मात्र खराबी छट्टु नेता हुन् । कार्यकर्तालाई झुक्याएर, छक्याएर आफ्नो राजनीतिक दुनो सोझ्याउने मात्रै हुन् ।’

आफ्नै कार्यकर्ताको हत्याकाण्ड मच्चाउने उपेन्द्र यादवसँग प्रचण्डले गठबन्धन गरेर लेनदेनको राजनीति गरेको ओलीले आरोप लगाए । ‘प्रचण्ड यस्तो तान्त्रिक, मायावी मान्छे हो । जादुगरले जस्तो यस्तरी मान्छे भुल्याउने अलमल्याउने गर्छन् । मान्छेलाई हो कि जस्तो पारेर भुल्याउँछन्’, उनले भने, ‘०६४ मा सरकार बनाएर के गरे ? सहिद फालिएका छन् । गौरमा २४ जना मारिएका छन् । तिनैसँग सौदाबाजी गरिरहेका छन् । कार्यकर्ता मारिरहेका छन् । लेनदेनको राजनीति गरिरहेका छन् ।’ जनाधार गुमाइसकेर अझै प्रचण्डले धम्क्याउने गरेको ओलीले बताए । ‘धम्क्याउनु पर्‍यो भने म आगो हुँ नजिक्याऊ भन्ने । मैले पनि दुई बाल्टी पानी हाल्दिउँला भने’, उनले भने, ‘केको आँटले धम्क्याउन खोजेको हो ?’

adb bank long