उपत्यकामा आजदेखि जोन्सन एन्ड जोन्सन खोप शुरु, यी हुन खोप लाउने केन्द्र

काठमाडौ । सरकारले आज (सोमबार) देखि देशैभर जोन्सन एन्ड जोन्सन खोप लगाउने अभियान शुरु हुने भएको छ । कोभ्याक्स सुविधा अन्तर्गत नेपालले अमेरिकाबाट अनुदान सहयोगमा प्राप्त गरेको जोन्सन खोप आजदेखि लगाईने भएको हो । अमेरिकाले नेपाललाई १५ लाख ३४ हजार ८५० डोज जोन्सन खोप निःशुल्क प्रदान थियो । सोही खोप लगाउने भएको हो । यो खोप एक डोज मात्रै लगाउँदा पुग्छ ।

आज र भोलि दुई दिन सञ्चालन हुने यो खोप अभियानमा ५३ देखि ५४ वर्ष उमेर समूहका नागरिकलाई प्राथमिकतामा राखिएको स्वास्थ्य तथा जनसंख्या मन्त्रालयका प्रवक्ता डा।कृष्णप्रसाद पौडेलले जानकारी गराए ।

त्यसैगरी यसअघिको खोप अभियानमा छुटेका तोकिएको समूहका व्यक्तिहरुले खोप लगाउन पाउने छन् । पूर्ण र अति अपाङ्गता ९क र ख वर्ग० का नागरिक, नेपालमा बसोबास गरिरहेका शरणार्थी, सरसफाइकर्मी र स्वास्थ्यकर्मीले पनि खोप लगाउन पाउने स्वास्थ्य मन्त्रालयले जनाएको छ ।

खोप अभियान सञ्चालनका लागि काठमाडौँ, ललितपुर र भक्तपुर जिल्लामा खोप केन्द्र तोकिइसकेका छन् । खोप पुग्न बाँकी कतिपय दुर्गम जिल्ला बाहेक देशका धेरैजसो जिल्लामा आज र भोलि जोन्सन खोप अभियान सञ्चालन गरिने पौडेलले जानकारी दिए ।

यी हुन् काठमाडौं उपत्यकाका खोप केन्द्रहरू

१. वीर अस्पताल,

२. त्रि. वि. शिक्षण अस्पताल, महाराजगञ्ज

३. निजामती कर्मचारी अस्पताल, बानेश्वर

४. शुक्रराज ट्रपिकल तथा सरुवा रोग अस्पताल, टेकु

५. परोपकार स्त्री तथा प्रसुति रोग अस्पताल, थापाथली

६. काठमाडौँ मेडिकल कलेज, सिनामंगल

७. नेपाल प्रहरी अस्पताल, पानीपोखरी

८. वीरेन्द्र सैनिक अस्पताल, छाउनी

९. पिपल्स डेन्टल तथा जनरल अस्पताल, सोह्रखुट्टे

१०. हिमाल अस्पताल, ज्ञानेश्वर

११. सामुदायिक स्वास्थ्य सेवा परिषद, डल्लु