nepal telicom

प्रचण्ड र माधवबीच कोटेश्वरमा के भयो त्यस्तो छलफल ?

काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड) र नेकपा एमालेका नेता माधवकुमार नेपालबीच कोटेश्वरका एक व्यवसायीको घरमा एकाबिहानै छलफल भएको छ ।

नेपाल आज विहान झापाबाट फर्किए लगत्तै कोटेश्वरको खरिबोट नजिक चन्द्रलाल श्रेष्ठको घरमा दुई नेताबीच छलफल भएको हो । छलफलमा माओवादी प्रवक्ता नारायणकाजी श्रेष्ठ पनि सहभागी रहेका थिए ।

कर्णालीमा माधव नेपाल पक्षको सहयोगमा माओवादी सरकार जोगिएको भोलिपल्ट दुई नेताबीच वार्ता भएको हो । गण्डकीमा पनि एमालेका मुख्यमन्त्रीविरुद्ध कांग्रेस माओवादीले अविश्वास प्रस्ताव दर्ता गराएका छन् ।

प्रधानमन्त्रीले आज बोलाएको सर्वदलीय बैठक बहिस्कार गरेका प्रचण्डले एमालेबाट निलम्बित नेता नेपालसँग भेट गर्नुलाई राजनीतिक वृत्तमा निकैअर्थपूर्ण रुपमा
हेरिएको छ । यसअघि पनि प्रचण्ड र नेपालबीच कोटेश्वरस्थित व्यवसायी श्रेष्ठ र टपिन्द्र तिम्सिनाको घरमा पटक पटक बैठक भएका थिए ।

adb bank long