‘मनसँग मन’मा पल, पूजा, पुष्प र वर्षाको छमछमी(फोटो फिचरसहित)

लकडाउन हटेसँगै अब भने विस्तारै नेपाली चलचित्र लयमा फर्किन थालेको छ । हलहरु खुलेका छन् भने चलचित्रको छायांकन पनि धमाधम भैरहेको छ । लकडाउन अगाडि नै छायांकन सुरु गरिएतापनि कोरोनाका कारण रोकिएको चलचित्र ‘मनसँग मन’को एक गीतको छायांकन काठमाण्डौमा गरिएको छ ।

बालाजुको चलचित्र विकास कम्पनीको परिसरमा सेट लगाएर चलचित्रमा समावेश ‘मेरो त भाग्य’ बोलको गीतको छायांकन गरिएको हो । यो गीतमा डेभिड शंकर र भावना राइको स्वर, दिपक शर्माको संगीत तथा विपिन किरणको शब्द छ ।

यो गीतको भिडियोमा चलचित्रका मुख्य कलाकार पुष्प खड्का, वर्षा सिवाकोटी, वुद्दि तामाङलाई फिचरिङ गरिएको छ । यस्तै, यो गीतमा नायक पल शाह र नायिका पूजा शर्माको साथमा हाँस्य कलाकार रविन्द्र झा अतिथीको रुपमा देखिदैछन् ।

कैलाश राइको निर्देशनमा तयार भएको चलचित्रमा सौरभ लामाको छायांकन, अरुण तामाङको लगानी छ । चलचित्रमा अर्जुन जीसीको सम्पादन, सन्तोष खवासको एक्सन निर्देशन छ ।